CODOLGA: Corpus Documentale Latinum Gallaeciae

CODOLGA

ANNALES COMPOSTELLANI

*Con noticia da consagración da Catedral de Santiago
(J. M.ª Fernández Catón, 1990)

Era singulorum annorum a Caesare Augusto est constituta, qui quinto anno imperii sui eam adinuenit huius XLII anno imperii.

Sub .i. era XXXVIII Jhesus Christus in Bethelem natus est.

Era XLII Herodes rex occidit infantes.

Era LXV Joannes Baptista decollatus est.

Era XLVIIIº Dominus ad passionem venit.

Era CVIIIº Petrus et Paulus passi sunt.

Era CXXXVIIIA Johannes Euangelista assumptus est.

Era CXLVI Philippus passus est.

Era CCLX Facundus et Primitiuus passi sunt.

Era CCLXVII passa est sancta Cecilia.

Era DCCCII obiit beatus Martinus.

Era DCXLII obiit beatus Aemilianus.

Era DCLVI Mahomad pseudo propheta prophetauit tempore Sisebuti regis Toletani.

Era MCLXXIIII° obiit Isidorus episcopus, II nonas aprilis.

Era DCCXLIX intrauerunt Hispaniam sarraceni tempore Roderici regis Toletani.

Era DCCCXXX venit Albutaman in Alaua, mense tedio, qui et occisus fuit, era DCCCXLIIII°, in Pisuerga guando venit in Bardulias.

Era DCCCXCIIII° populauit Ordonius rex Legionem ciuitatem.

Era DCCCXCVIII° populauit Rodericus comes Amayam mandato Ordonii regis.

Era DCCCCXXII populauit Didacus comes Burgis mandato Aldefonsi regis.

Era DCCCCXXXVII fuit Cardeña populata.

Era DCCCCXLIII surrexit in Pampillis rex noster Sancius Garciae et obiit era DCCCCXLII. Post quem filius eius rex Garsias regnauit annis xxxv et obiit era MVIII. Post eum regnauit Sancius filius eius annis LXV. Iste fuit gener comitis Sancii et obiit era MLXXIII.

Era DCCCCLXIIII° martyrizatus est beatus Pelagius in Cordoua et in era mv translatum est corpus eius de Cordoua per Blasium episcopum et reconditum est honorifice apud Legionem.

Era DCCCCLXXXVII, kalendas julii, die sabbati, hora IX flamma exiuit de mari et incendit plurimas vrbes et villas et homines et bestias et in ipso mari primas incendit et in Camora vnum barrium et in Carrion et in Castro Xeriz et in Burgos Cm casas et in Biruesca et in Calçada et in Ponticoruo et in Buradon et alias plurimas villas combusit.

Era DCCCCXCVIII fuit captus comes Ferdinandus Gonsalui et filii eius in Aronia a rege Garsia et transmissit illos ad Pampillis.

Era MVIIIº obiit Ferdinandus Gundisaluii.

Era MXXXIII, VIIIº kalendas januarii captus et lanceatus fuit comes Garsias Fernandi a Sarracenis inter Alcocer et Langa in Riba de Dorio et quinta die mortuus fuit et ductus ad Cordouam et sepultus in Sanctos Tres et inde ductus fuit ad Caradignam.

Era MXL mortuus est Almoçor.

Era MXLVII destruxit comes Sancius Cordoua. Eodem anno natus est infans Garsias.

Era MXLIX dederunt comiti Sancio San Stephanum, et Cluniam et Osmam, et Gormaz et dederunt ei L obsides pro Castrabo, et Meronea et Berlanga.

Era ML Vrracha comitissa.

Era MLV Sancius comes nonas februarii.

Era MLVI Brigida abbatissa.

Era MLXIIII venerunt locustae.

Era MLXVI infans Garsias interfectus est in Legione.

Era MLXXV interfectus est rex Veremudus in Valle Thamaron.

Era MLXXXIIII Rudericus comes.

Era MXCII occisus est Garsias rex, kalendas septembris, depugnans cum fratre suo rege Ferdinandus in Ataporca a quodam milite suo Sancio Hortunones quia foedauerat vxorem eius. Iste aedificauit ecclesiam Sancte Mariae de Nagera.

Era MXCVI, VI° kalendas junii, regina Stephania vxor iam dicti regis Garsiae, cui non successit filius postea in omni Castella.

Era MCIII Fernandus rex frater regis Garsie. In eodem anno fuit interfectio christianorum in Ataporca et in Caesaraugusta VIII° kalendas februarii.

Era MCV Sancia regina, VII idus nouembris.

Era MCX interfectus est rex Sancius in Camora, IIIº nonas octobris.

Era MCXIIIIº interfectus est rex Sancius, filius regis Garsiae, et reginae Stephaniae, in Pinalen, post quem regnauit in Pampilonia Sancius Ramiri regis Aragoniae filius, qui prius regnauerat in Aragone. Hic Sarracenis famosum castrum quod dicitur Monçon abstullit. Quaedam etiam mimitissima castra, videlicet supra Saragoçan, Ayerue, et Lofare construxit. Iste aedificauit castrum Montis Aragoniae cum monasterio et obsidione Oschensis ciuitatis, in qua et obsidione mortuus est era MCXXXII, cui successit filius eius Petrus IIII magnae strenuitatis et mirae simplicitatis. Hic vrbem Oscam christianae fidei subiugauit sub era MCXXXIIIIº. Obiit et era MCXLII. Quinto anno post mortem ipsius obiit Adefonsus rex qui cepit Toletum et alias quamplures. Petro supradicto Pampilonensium et Aragonensium regi Aldefonsus frater eius successit. Hic in bellis expertus et audax. In principio regni sui Caesaraugustam vii mensium obsidione cinxit. In qua obsidione septies cum Moabitis dimicauit et euicit. Tandem ipsam vrbem cum castellis et villis sibi adiacentibus cepit sub era MCLVII. Deinde Calatayud firma obsidione vallauit et acceptis obsidibus vna cum Guilielmo Pictauiense comite qui in auxilium eius venerat ad castrum Cotanda contra Sarracenos pugnaturus iter direxit. Itaque Sarracenis expugnatis castra Moabitarum diripuit et ipsum castrum Cotandam cepit. Post haec Daroca et Calatayub et campum Arcilli cum vniuersis eorum munitionibus sibi subiugauit. Inde Tyraseram et Borgiam cepit. Inde Ilerydam et Fragam vastade (?) peragrauit, et super Fragam castrum quod dicitur Fragon aedificauit, quod postea Sarraceni expugnare moliti ab eius exercitu mirabiliter fugati et pene deleti sunt, denique cum vniuerso exercitu in Hispaniam profectus est.

Era MCXV fuit hyems grauissima a festiuitate Sancti Martini vsque ad Xlta. Et in ipso anno pugnauerunt duo milites pro lege Romana et Toletana in die ramis palmarum, unus eorum erat Castellanus, alter regis Adefonsi.

Era MCXVI obiit Sancius rex filius Alfonsi regis, IIº kalendas junii.

Era MCXVII Alfonsus rex Hispaniarum, IIº kalendas julii.

Era MCXXI fuit interfectio apud Rodam, vbi et Gundisaluus comes interfectus.

Era MCXXIII accepi rex Aldefonsus Toletum.

Era MCXXIIIIº fuit illa de Badajoz.

Era MCXXIX Garsias rex, XI kalendas aprilis.

Era MCXXXI Tarasia comitissa, V° nonas octobris, haec aedificauit ecclesiam Sanctae Zoylidae Carrion.

Era MCXXXII Sancius rex, pridie nonas julii.

Era MCXXXIIIIº capta fuit Oscha.

Era MCXXXV regina Agnes, VIIº idus junii.

Era MCXXXVII Rodericus Campi ductor.

Era MCXXXVIIIº capta fuit Hierusalem.

Era MCXLII Petrus rex, IIIIº kalendas octobris.

Era MCXLVI fuit illa de Vcles.

Era MCXLVII Alfonsus rex. In eodem anno capta fuit Lisebona a rege Portugalense, et Almaria ab imperatore Legionense.

Era MCXLIX occiderunt comitem Gomiçium.

Era MCLVI capta fuit Caesaraugusta.

Era MCLVII populauit rex Alfonsus Soriam.

Era MCLIX Tota Lopiz filia Lupi comitis de Vizcaya, kalendas decembris.

Era MCLXIII Vrraca regina, VIIIº idus martii.

Era MCLXIIIIº Vrraca regina Alfonsi regis filia VII idus decembris.

Era MCLXXXXI creuerunt aquae per Hispaniae partes in tantum, vt domos, pontes, arbores, quampluresque subuerterent, greges et armenta seu et homines submergerent, vias

antiquitus tritas confunderent. Istud contigit in die Sanctae Luciae.

Era MCLXXII fuit interfectio christianorum in Fraga.

Era MCLXXXIIIº Garsias infans filius Aldefonsi imperatoris. Eodem anno capta fuit Cordoua ab Alfonso imperatore.

Era MCXCIIIIº, IIº idus augusti regina Branca, mater istius Alfonsi regis Castellae. Haec fuit filia Garsiae regis de Nauarra.

Era MCXCV Adefonsus imperator, XIII kalendas septembris.

Era MCXCVI Sancius filius Alfonsi imperatore, kalendas septembris.

Era MCCVIIIº bonae memoriae comes Lupus.

Era MCCXV capta fuit Concha, et ibi comes Nunus, III nonas augusti.

Era MCCXXIII Fernandus Roderici.

Era MCCXXV Fernandus rex Legionis, et in eodem anno venit Saladinus in terram promissionis et vastauit eam. Insuper et istam cepit acriter dimicando.

Era MCCXXVII desponsauit rex Adefonsus filias suas.

Era MCCXXXIII Sancius rex Nauarrae.

Era MCCXXXIII fuit interfectio christianorum in Alarcos.

Era MCCXLIII Gundisaluus comes.

Era MCCXLVI, XVº kalendas januarii, infans Fernandus filius regis Sancii Nauarrae.

Sanctus Dominicus de Calciata, iiiiº idus madii, in era MCXLVII. In eodem anno Alfonsus rex maior II kalendas julii et regnauit XLV annis.

Rodericus Calagurritanus episcopus posuit primum lapidem in fundamento ecclesiae Sancti Dominici era MCXCVI. Domnus Rodericus Calagurritanus episcopus vna cum Lupo Abbate

stabiliuit canonicos Sancti Dominici era MCLXXX.

Archiepiscopus Petrus Muniz consecrauit ecclesiam Beati Jacobi, XI kalendas madii, sub era MCCXLIX.

Era MCCXLIX, idus octobris, infans Fernandus filius Adefonsi regis Castellae.

In eodem anno capta fuit Saluaterra a Sarracenis et Surchera a christianis. In quo sequenti anno rex Aldephonsus deuicit Almiramamolenum, potentiorem regem Sarracenorum in loco qui dicitur Nauas de Tolosa ex illa parte portus de Muladar, XVI kalendas augusti. Ibi mortui sunt plusque millia militum sarracenorum et pauci christiani. Tunc penitus

destructae fuerunt Banos et Istola, Vbeda et Baeça et captum fuit Castrum quod dicitur Vilche et retentum. Tunc et recuperata fuit Calatraua et Alarcos cum circunstantibus

castris et ista fuerunt retenta antea a Sarracenis per XVI annos.

Iste idem rex diu ante populauit Concham, Oxiam et Canete, et Alarcon, Plasentia et Bejar.

Petrus rex Aragonum fuit interfectus a Gallis apud Castrum quod dicitur Muret, II idus semtembris, era MCCLI.

Era MCCLII Didacus Lupi de Faro, XVIº kalendas octobris.

Era MCCLII Aldefonsus rex Castellae, III nonas octobris.

In eodem mense regina Alienor vxor Aldefonsi regis Castellae, II kalendas nouembris.

In eodem anno Petrus Fernandi.

Era MCCLIIIIº Toda Perez vxor Didaci Lupi de Faro, xvii kalendas februarii.

Era MCCLV Enrricus rex Castellae filius Aldefonsi regis.

Era MCCLVII infans Sancius Fernan qui occisus fuit in Monte Aragone ab ... (?).

Era MCCLXVIII Aldefonsus rex Legionis cepit in eodem anno Meridam, Badajoz, et Yelues.

Era MCCLXXII Sancius rex de Nauarra.

Era MCCLXXI capta fuit Vbeda et Marthos cum aliis circunstantibus castris, et villis, Baeça et Capiela et San Esteuan, Andujar et Aznatoraz et Quesada, Xodar et aliis quae non sunt nominatae a rege Fernando Castellae et Legionis. Capta fuit Corduba a rege Castellae et Legionis in die apostolorum Petri et Pauli in era MCCLXXIIIIº.

Era MCCLXXV obiit Johannes Petrus Calagurrae et Calciatensis episcopus, qui fecit vnionem inter Calagurram et Calciatensem ecclesiam authoritate Gregorii IX summi pontificis.

Era MCCLXXVII Jacobus rex Aragonum cepit Valentiam vigilia Sancti Michaelis.

Era MCCLXXV Lupus Didaci de Faro.

Era MCCLXXVII sol obscuratus est, III nonas junii, die veneris. In eodem anno capta fuit Hierusalem a Sarracenis.

Era MCCLXXXºVII capta fuit Sibilia a rege Fernando Castellae et Legionis, Cordubae, Murciae et Jaen, mense decembris in die Sancti Clementis martyris.